"غمض عينيك و امشي بخفة و دلع

الدنيا هي الشابة و انت الجدع

تبص لرشاقة خطوتك تعبدك

لكن انت لو بصيت لرجليك تقع .... عجبي"

((صلاح جاهين))

الثلاثاء، 5 فبراير 2013

كل يوم شهيد



كلمة وقالوها زمان اللي يخاف جرة الحبل
قرصه زمان تعبان
حقك ياوليدى ما انت برضك إنسان
لكن اللى يخاف الحق عويل ونطع جبان
يقولولك من خاف سلم
ايدك فى ايدنا وبلاش عند ومخ ضلم
والطيبة ع الوش تترسم
واللقمة بينا تتقسم
وف لحظة انيابهم تبان لما يبتسم
وسلاحهم لو تعاند
وقت اللزوم عمران
اسمعها منى ياوليدى حلقة فى ودانك
اوعاك تأمن فى يوم للى فى يوم خانك
للى حنى ايديه بدم جيرانك
للى سرق امانك وف لقمة 
عيشك ذلك وهانك
واتعلم يابنى الدرس
كل وماتكسرش ومكسر ماتكلش
ولو قرصك الجوع اربط بطنك وماتولولش
واحمد ربك ليك فى اليوم رغيف وتلاتة
تطلب اكتر تبقى تباتة
والمية مالزماشاتيمم ومتتوضاشى
والنور بيعمى العينين طفيه
لجل ماتحس بالعميانين
لمبة جاز يا إما بلاشى
وكيلو اللحمة بكام ماخبرش
اخر مرة كان بقرش
مالو الفول ومالو المش
والعدس بجبة غيره مايحلاشى
كله ماشى
لكن !!!!!!
شيل الطين والعار اهالينا معلموناشى
ذنبه ايه فرخ اخضر قطر يهرسه
ودمه يسيل على كراس فيه اسم ربه بيدرسه
ذنبه ايه اللى حب بلده ووقف على حدوده يحرسه
يوم صيامه قبل لقمة ماتشق ريقه
الخاين يزرع فيه سكينه ويغرسه
ذنبه ايه اللى راح يشجع
مايعلمش انه مش راح يرجع
وجنازير الغدر من الخروج راح تحبسه
ذنبه ايه طفل يتيتم
والفرحة من كل بيت تتعتم
وعروسة بالدم تتحنى
وكل يوم أم ف البلكونة تستنى
تستنى رجعة ولدها يدق الباب
يدق الباب ويقولولها زغرطى بقيتى أم الشهيد

هناك 16 تعليقًا:

  1. ماشاء الله عليك يا زئردة رائعة
    تحياتي

    ردحذف
    الردود
    1. حضورك الاروع اخى الغالى
      لك كل الود والاحترام

      حذف
  2. وعروسة بالدم تتحنى
    وكل يوم أم ف البلكونة تستنى
    تستنى رجعة ولدها يدق الباب
    يدق الباب ويقولولها زغرطى بقيتى أم الشهيد
    **************************************
    الله عليكى يا اختنا ذات الاحساس العالى الراق
    لقد جسدتى الموقف بروعة الكاتب
    تحياتى يا شقية

    ردحذف
    الردود
    1. الصعيدى المجدع والم الخفيف
      اخى الغالى والكبير المقام استاذ عادل
      رأيك وسام كبير يحملنى المسئولية عن كل حرف
      الف شكر

      حذف
  3. مساء السعادة والرقة والحب
    كلمات ولا أروع من صميم الواقع
    بوحك خفيف الظل.. لذيذ كأنتِ
    مدونة مباركة
    سلامي وحبي

    ردحذف
    الردود
    1. حبيبتى الغالية شموسة
      مساء الحب ودفء العروبة الاصيلة

      حذف
  4. السلام عليكم
    مدونتك رااااااااااااااائعة جدا يا زئردة جئت لابارك ولى عودة للتعليق على الادراج

    ردحذف
    الردود
    1. انتى الاروع ام عمار حبيبتى
      اتمنى وجودك دوما

      حذف
  5. اية الحلوة دى يا شقية تسلم ايدك

    ردحذف
  6. رائعه
    اسعدنى المرور على اجمل كلمات
    تقديرى واعجابى

    ردحذف
  7. للتواجد هنا طعم خاص ونكهه معتقه بخبرات راقييه ورائعه
    ابدعت قلمكم نظم المفردات ورقي المعاني
    فدام ابداعكم سيدتي
    (( لي عودة إن أذنتم لنا ))
    ودمتم بكل خير
    المسحراتي

    ردحذف
    الردود
    1. وتواجدك انت له طعم خاص
      يزداد النور والرقى بوجودك

      حذف
  8. زئرده الجميله
    رائعه خاطره مثلك تماما
    دام ابداعك وتألقك ياغاليه
    ننتظر الجديد ياحبيبتي
    دومتى غاليتي

    ردحذف
    الردود
    1. حبيبتى ام نوراى
      صاحبة الاحساس الدافئ والراقى
      كونى دوما متألقة

      حذف