"غمض عينيك و امشي بخفة و دلع

الدنيا هي الشابة و انت الجدع

تبص لرشاقة خطوتك تعبدك

لكن انت لو بصيت لرجليك تقع .... عجبي"

((صلاح جاهين))

الجمعة، 22 فبراير، 2013


ازاى تقولى انك امى
وانك عشقانى وشايلة همى
وانت ليلك نهارك
تمرحى وتسبحى وسط دمى
ازاى تخلى اخويا عدوى بسلاحه
وفقلبى يغرس سكين
هان عليك ولادك المساكين
يوم صلاتهم يوم عيدهم يوم فرحهم يبقى حزين
ام تصرخ على ولدها مش لقياه ابنى فين ؟
وطفل لسة نبتة خضرة يصبح يتيم
وعروسة يوم فرحها تلبس اسود وتتحنى بطين
وانت بتزغرطى وتبلى شربات وتقولى
شهدا ليوم الدين
ما انت فى يوم كنت عشقى
وكنت بيكى مفتون
وكل فجر ليكى اغنى ويقولوا عليا مجنون
وانا اللى قدمتلك روحى مهرك
وقلت عشانك كله يهون
حاربت عشانك هكسوس ومجوس
وحطين وسبعة وستين
وحافظت على عرضك فى تلاتة وسبعين
كنت ليكى مينا ورمسيس وصلاح الدين
كنا ولادك قايمين نايمين
جرجس ومينا ومحمد وحسين
وغازلتك بقلمى وحميتك برمحى
كل ده ومش عارفة تسامحى
ليه تخلى اخويا يمحى خطايا
يدوس بقدمه عليا يشوه ملامحى
يرسم بطولاته من وجعى وجرحى
ليه عن دراعاتك بتبعدينى
فين وعدك انك جوه حضنك هتدفنينى
ليه عايزانى ابعد وارحل وليه عشانه تطردينى
واسيب لمين ولادى وارضى وناسى المدفونين
وذكرياتى معاك اهرب منها فين
فاكرة الهرم والنيل
والازهر ودير سانت كاترين
ولا قلعة صلاح الدين
مش هاسيبك حتى لوقتلتينى
حتى لو هنتينى فى شرفى ولا دينى
واللى ما شافش اكتر من اللى شاف
ان اللى يقتل ولدك عمره
عمره فى يوم ما عليكى هيخاف

الثلاثاء، 5 فبراير، 2013

كل يوم شهيد



كلمة وقالوها زمان اللي يخاف جرة الحبل
قرصه زمان تعبان
حقك ياوليدى ما انت برضك إنسان
لكن اللى يخاف الحق عويل ونطع جبان
يقولولك من خاف سلم
ايدك فى ايدنا وبلاش عند ومخ ضلم
والطيبة ع الوش تترسم
واللقمة بينا تتقسم
وف لحظة انيابهم تبان لما يبتسم
وسلاحهم لو تعاند
وقت اللزوم عمران
اسمعها منى ياوليدى حلقة فى ودانك
اوعاك تأمن فى يوم للى فى يوم خانك
للى حنى ايديه بدم جيرانك
للى سرق امانك وف لقمة 
عيشك ذلك وهانك
واتعلم يابنى الدرس
كل وماتكسرش ومكسر ماتكلش
ولو قرصك الجوع اربط بطنك وماتولولش
واحمد ربك ليك فى اليوم رغيف وتلاتة
تطلب اكتر تبقى تباتة
والمية مالزماشاتيمم ومتتوضاشى
والنور بيعمى العينين طفيه
لجل ماتحس بالعميانين
لمبة جاز يا إما بلاشى
وكيلو اللحمة بكام ماخبرش
اخر مرة كان بقرش
مالو الفول ومالو المش
والعدس بجبة غيره مايحلاشى
كله ماشى
لكن !!!!!!
شيل الطين والعار اهالينا معلموناشى
ذنبه ايه فرخ اخضر قطر يهرسه
ودمه يسيل على كراس فيه اسم ربه بيدرسه
ذنبه ايه اللى حب بلده ووقف على حدوده يحرسه
يوم صيامه قبل لقمة ماتشق ريقه
الخاين يزرع فيه سكينه ويغرسه
ذنبه ايه اللى راح يشجع
مايعلمش انه مش راح يرجع
وجنازير الغدر من الخروج راح تحبسه
ذنبه ايه طفل يتيتم
والفرحة من كل بيت تتعتم
وعروسة بالدم تتحنى
وكل يوم أم ف البلكونة تستنى
تستنى رجعة ولدها يدق الباب
يدق الباب ويقولولها زغرطى بقيتى أم الشهيد

الاثنين، 4 فبراير، 2013

أنا مصـرى


أنا مصـرى
****************
أوعاك تسألنى عن دينى
هو وبس لوحده بأيده يعاقبنى ويهدينى
أنا مسلم ومسيحي ويهودى
أنا مصري أصلى أنا وولادى من نسل جدودى
دينى مش حاجة تدينى
ومش من حقك عليه تحاسبنى
أو من بلدى وقوتي فى يوم تحرمنى
دينى علمنى الضحكة تكون م القلب
مش فى الوش
علمنى المحبة والامانة
واوعاك اوعاك
تقتل أخوك أو حتى تغش
وكلها بدقة أو حتى بمش
واوعاك تظلم وتقول معلش
دينى أنا ثابت كما الجبل
مش كل يوم اغلط واعمل ريفرش

السبت، 2 فبراير، 2013

شطوط عشق


شطوط عشق

كتبهازئردة ، في 1 يناير 2012 الساعة: 22:02 م


 




 كم قتيلا فى الهـوى كل يـوم يقتـل

وكم من قصص العشق ابد الدهـر تذكر
فكن لى حبيـبى ناعماً وقاسياً
وكن لى عاشقاً للهجر عاصياً
كن لى عنترة واجمع لى النياق
واسرع الى بخطاك مهرولاً
فمن لهفى عليك تأججت بحشاى ناراً
وما احر نار الاشتياق
حبيـبى
دع يدانا متشابكة لا تفترق
ودع شفاهنا من لهيب الشوق تحترق
سأعد لك قهوة الصباح بيدى
واضع حلاها من شفاهك حين تنادينى
حبيبتى
حين توقظنى كل صباح تهمس فى اذنى
حبيبتى
حين تداعب اصابعك خصلات شعرى
وتغمرنى حبا وحنانا
داخل احضانك الدافئة
حين تزيل عنى صقيعا يثلج اطرافى
وتداعب جبهتى بتلك الوردة الحمراء
التى سلبت رحيقها من انفاسك العطرة
ولونها الاحمر من حرارة شوقى اليك
وخجلى حين تتلمس جسدى بيداك
تشرق الشمس كل صباح حين توقظنى
وتطبع قبلاتك فوق جبينى
فتسكرنى قبلة من شفاهك فوق شفاهى
ويتراقص  قلبى فرحا حين اضع راسى فوق صدرك
فيبث اشارات حب ونبض يقول
حبيبتى
اليوم حبيبى دعنى اتوه بعينيك
وتلك النظرة الغامضة الباسمة الحالمة
وتلك رعشات الاهداب حين تتلامس اعيننا
امواج تقذفنى فوق شطوط العشق
هناك عند تلك الجزيرة الهادئة
لن اسمعك سوى كلمات حب دافئة
واسقيك من كفى شلالات عشق
نجرى ونلهو واتساقط عمداً ودلالاً
حتى تلمسنى يداك فأرتوى منك
وحين يهل القمر سنسهر سوياً
نتسامر ونتعانق واسقيك الحب نهراً
ونطيل من لحظات العشق حتى تتعلم الطيور
ولن اتركك تغفو إلا على صدرى
بين يداى اقبلك واتأمل ملامح وجهك
وتلك الوجنتان الناعمتان كالأطفال
فأمطرك قبلاً ولا اشبع
حبيبى … حبيبى
اليوم لنا وحدنا وتلك الايام القادمة
بعيداً عن اعين المتربصين
سنترك خلفنا سنوات مضت
لا نأخذ منها الا لحظات عشق جمعتنا
سنترك الالم وراء ظهورنا
وسنحيا دنيانا نحن
وسأكتب شهادة ميلادى باسمك
ويوم احببتك
وسأجعل كل ايامك ليلة عيد
وسأنقش كل حروف اسمك فوق الصخور
كما نقشت فوق جدار قلبى
سأعلن للعالم هذا حبيبى
وما قيس احبته ليلى كما احببتك حبيبى
وما عنترة مقدام جسور من اجل عبلة
ولكن البطولات خلقت من اسم حبيبى
عفواً تعجز كلماتى عن البوح
اخشى عليك من اعين الناس
فلا انطق سوى
حبيـــــــــــــــــــــــــــــــــــبى
زئردة

لهيب العشق


لهيب العشق

كتبهازئردة ، في 6 ديسمبر 2011 الساعة: 12:37 م

 زئروده الشقيه
كتبت هذه الكلمات وكأنى أحلم
ولا واعرف إذا كانت حقيقه أم خيال
وكم
تماديتُ
فى الفرا ر
من سكب  قطرات الندى فوق كفيــِــه
لأرتوى 
من  تلك المياه
 دافئه
كرحيق السماء
وما زلت ُ
 أزيح  من أمام أعينى  
هذا   الستار
فأستظل بها حين
جبال الثلج
تنهار
أذوب  فى حباً
يلملمنى
يغرقــُــنـــى
فى نهر ٍ من الأنهار
حتى
أعيُد ترتيب أسرارى
وأقص أخبار  العاشقين
من قبلى
متصفحاً  بردياتى
فيحترق  من لهيب العشق
وجدانى
حين أتنقل فى
الفناء
أتسمع صوتاً شديـّا كصوت الغناء
عصفورة تتهلل
تتراقص
وهى مليئه بالصفاء
كطير الجنان
وقطرات  الندى
 تتساقط فوق
زجاج شرفتى الصغيره
مليئه دفئاً ومفعمه 
 بالحنان
عشقا
 يهيُم بحب  فارسى
وأعود فأقول
انى ما زلت فى الإنتظار
 أفتح شباك غرفتى  
 فى المساء
 أتسمع صوت النجوم
وصوت القمر
يناجينى
يهفو اليـّه
ان أسافر معهُ
فى الفضاء
أحلم  به يتلمسنى
ويدغدغ 
 وجدانى
يفتح أبواب حجرتى
فأتراجع وكأنى خائفه راقضه
فى الفناء

تحرقنى
شمساً تأتى فوق فراشى
فتيقظنى
من نوماً  أغرقنى
فيه المساء

الشقاوه
زئرده

أقصيَ السلام (( أيمن وهبة ))


أقصيَ السلام (( أيمن وهبة ))

كتبهازئردة ، في 28 نوفمبر 2011 الساعة: 23:41 م

 حين يتكون الطفل برحم أمه تتهلل فرحاً لهذا الحدث السعيدولكن

حين يولد الطفل ويطلق صرخاته ليعلن عن وجوده كائن حى فى الحياة تولد معه فرحة حقيقية وملموسة لاتوصف
ايضاً تتخلق الفكرة داخل وجدان وعقل الشاعر فيفرح بها
ولكن حين تشرق للنور ويعلن عنها يصبح ميلاداً لها طفلاً ينمو أمام عين والده
ينمو من محبة الناس
((أستاذى ومثلى الأعلى كلماتك طفل يولد من رحم الصمت من طعم الوجع
  يحيا من نبضٍ ليدق على أبواب المتصنعون الصمم المتباهون بالبكم والعميان)
                              إحدى روائع شاعر الصعيد

أقصيَ السلام 

  

شاعر الصعيد
أيمن وهبة
Afw
أقصى العروبه
والسلام
 والدم اللى سال لجل ما يعيش
الحمام 
و
اليمام
وغصن زيتون بإيدنا
 نزرّعه
يخضّر يورّق سلامْ
 و أطفالنا
  بلبس عيد أبيض
والفرح مالي عنيهم
 يجروا فى شوارعنا
 يهتفوا
رجعت ديارنا
رجع
 السلام
رجعت حقوق ولادنا
 ودمنا خضّرغيطانا (أرضنا )
بعد
 ليل طويل يزعق فى وشنا
أرضنا
!!!
 تعالى  شوف دم أجداد
 وتاريخ  بيحكى حكايات
عن ساعات وشهر
 يمكن
 او
 سنه
عدت ولا ّ سنين
و
 فارش قدام عنينا
 الأنين
ساكن جوانا  من سنين
ونارى
 تدفى ولاده   
   وتحرق جوا دارى
جوا حشاى
 وتأكل أخضر ويابس  
لو لسه عابس
مبوز
و
  إبنك عليك
 غالى
مد الخطاوى
 ولا ّ
فرحان فينا يا خالى
 صانع  خيامه من
 شعرنسوانــّا(النساء)  
وجلود إبنى الكبير
  وحباله
 شاددها
 من عصب ابنى الصغير
لو
 فى السما طير
 م البارود
يمكن يطير
ولا
تعبان جوا جحره
أسير   
كنت لملمت
حاجاتى
وجيت
على القدم أسير
لو أسير ولا حر
راح نخلى عسل أعدانا
 مر
ونزرع سلام
حلم
 متشعلق بين البشر يمكن يكون
ويرجع
من تانى حمام
 السلام  
أيام مش بتتغير
وتاريخ
 بيعيد نفس حكاياته  
هوّ
 ذاته
خنجر ومتحجر
بيجز فى رقابنا
واللى صابنا من ولاد العم
دول شيلونا الهمّ
إمتى
 ترجع أرضنا ويعود من تانى 
سلام
 
شاعر الصعيد
أيمن وهبة
Afw

حلم طير مدبوح


حلم طير مدبوح

كتبهازئردة ، في 22 نوفمبر 2011 الساعة: 22:36 م

عجبى على اللى بيتعجب من الخيانة
وجرح اقرب حد ليــــــــــــــــــــــه
أسأل نفسك مرة للأمانــــــــــــــــة
اللى أنت جارحه ايه يداويــــــــه
الغريب والقريب واللى يجرح
عندك فوق الراس يتشــــــــــال
واللى يحبك ويخاف عليــــــــــك
من جوة القلب متشـــــــــــــــــال
بعيد عنه بقلبك وروحك وف دنيتك ساكن
وحيد ف دنيته ينام
بدمعته وجرحه ف قلبه ماكن
يخاف يبوح مش من حقه مش مسموح
يضحك يهزر رغم جرحه لجل ماتفرح
وجرحه ينزف زى الطير المدبوح
معادش ينفع الاعتذار
بعد جرح الكرامة الإنسحاب هو القرار
واتعلم ان اللى يحب يسكت ويتألم
يموت من غير ما يتكلم
ولاعمره يجرح حبيب كان له
هو الاهل وهو الدار
وقت ما تموت المشاعر
يوقف الوقت والنبض
توقف الطاحونة تبطل دوار
لجل ما تدور على اتنين تانيين تهرسهم
لجل ماتدور بدم الصغار
اتنين حبوا بعض وحليت ايامهم
شافوا الورد مفروش قدامهم
فوق شط الترعة يضوى القمر
وطير ووليفه ايديهم متشبكة
وغنيوة حليم تجيب اخر الدار
وتخلص الغنيوة ويغيب القمر
وما يلقى الطير وليفه
ولا حضنه الدافى العمار
والحب تمثيلية ومتقسمة فيها الادوار
عجبى ازاى تحب وازاى تجرح
وليه تحرمه من حقه انه يفرح
وتنساه وقت حوجته ليك
ومع طير غريب تسرح
فين الوعود بالحب والدفا والامان
فين ليالى حلوة راحت من زمان
ايه اللى قسى القلوب خلاها اتحجرت
معادش ينفع الاعتذار
الحب مش كلمتين مجاملة تتقال
الحب فعل والفعل رمز الرجال
فات وعدى وقت تطيب الخواطر
وراح زمن نعم وحاضر
واللى باقى ع العشرة يفعل المحال