حلم طير مدبوح
كتبهازئردة ، في 22 نوفمبر 2011 الساعة: 22:36 م
عجبى على اللى بيتعجب من الخيانة
وجرح اقرب حد ليــــــــــــــــــــــه
أسأل نفسك مرة للأمانــــــــــــــــة
اللى أنت جارحه ايه يداويــــــــه
الغريب والقريب واللى يجرح
عندك فوق الراس يتشــــــــــال
واللى يحبك ويخاف عليــــــــــك
من جوة القلب متشـــــــــــــــــال
بعيد عنه بقلبك وروحك وف دنيتك ساكن
وحيد ف دنيته ينام
بدمعته وجرحه ف قلبه ماكن
يخاف يبوح مش من حقه مش مسموح
يضحك يهزر رغم جرحه لجل ماتفرح
وجرحه ينزف زى الطير المدبوح
معادش ينفع الاعتذار
بعد جرح الكرامة الإنسحاب هو القرار
واتعلم ان اللى يحب يسكت ويتألم
يموت من غير ما يتكلم
ولاعمره يجرح حبيب كان له
هو الاهل وهو الدار
وقت ما تموت المشاعر
يوقف الوقت والنبض
توقف الطاحونة تبطل دوار
لجل ما تدور على اتنين تانيين تهرسهم
لجل ماتدور بدم الصغار
اتنين حبوا بعض وحليت ايامهم
شافوا الورد مفروش قدامهم
فوق شط الترعة يضوى القمر
وطير ووليفه ايديهم متشبكة
وغنيوة حليم تجيب اخر الدار
وتخلص الغنيوة ويغيب القمر
وما يلقى الطير وليفه
ولا حضنه الدافى العمار
والحب تمثيلية ومتقسمة فيها الادوار
عجبى ازاى تحب وازاى تجرح
وليه تحرمه من حقه انه يفرح
وتنساه وقت حوجته ليك
ومع طير غريب تسرح
فين الوعود بالحب والدفا والامان
فين ليالى حلوة راحت من زمان
ايه اللى قسى القلوب خلاها اتحجرت
معادش ينفع الاعتذار
الحب مش كلمتين مجاملة تتقال
الحب فعل والفعل رمز الرجال
فات وعدى وقت تطيب الخواطر
وراح زمن نعم وحاضر
واللى باقى ع العشرة يفعل المحال
الله على الكلمات تصحى قلب الحجر لو كان مات وتجعل المشاعر والضميريصحى فى الفلب الى مات وليه ميكونش الحب تبادل ولهفه واشتياق ونعيش العمر بمحبه ونودع الفراق تسلم الايادى الى كتبت ويسلم العقل الى فكر حقيقى كلكات ما اروعهادائما متعونا بالجديد
ردحذف